काम गर्न नदिएपछि कानूनमै टेकेर सरकार अघि बढेको हो : मन्त्री अर्याल (भिडिओ)

काठमाडौं । रास्वपाका उपसभापति डीपी अर्यालले सरकारले भ्रष्टाचारको सबै फाइल खोल्ने दाबी गरेका छन् । श्रममन्त्री समेत रहेका अर्यालले प्रतिनिधि सभाको बैठकपछि सञ्चारकर्मीहरुसँग कुरा गर्दै हिजो गृहमन्त्रीले खोल्नु मात्रै नभएर खुलेका फाइलहरुको पनि कुरा उठाएको बताए ।

उनले थपे, ‘उहाँहरुले मागेजस्तो समिति बनाउन हाम्रो गृहमन्त्रीज्यूले स्पष्ट भनिसक्नुभएको छ । अब के चाहियो ? हामीलाई त लोकतान्त्रिक पार्टीहरुले हामी नयाँ आउनेहरुलाई केही सिकाउनुहुन्छ भन्ने लाग्थ्यो । तर, हामीले नचाहेको अवस्था आयो । यो हामी चाहँदैनथ्यौं । हामी काम गर्न आएको हौं । सधैं सदनमा रणभूमि गर्न आएका होइनौं। काम त गर्नुपर्यो । त्यसैले लोकतान्त्रिक पद्धतिमा कानूनको धारामा टेकेर गरेको हो ।’

गृहमन्त्रालयले फाइल खोलेपछि कारवाही न्यायलयले गर्ने बताए ।