ज्ञानेन्द्र शाहीको आरोप- सभामुखको कुर्सिमा पार्टीको कार्यकर्ता देख्यौं (भिडिओ)

काठमाडौं । राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले सभामुख देवराज घिमिरे सभामुखको रूपमा नभई पार्टीको कार्यकर्ताको रुपमा प्रस्तुत भएको आरोप लगाएका छन् ।

सोमबार संसद बैठकपछि सञ्चारकर्मीसँग कुराकानी गर्दै उनले घिमिरेले सभामुखको रूपमा भूमिका निर्वाह नगरेको टिप्पणी गरे । सभामुखलाई सभामुख हो वा अमुक पार्टीको कार्यकर्ता हो ? भनी उनले प्रश्न गरे ।

शाहीले भने, ‘आज हामीले सभामुख देखेनौँ । कुर्सिमा बसेको मान्छे देख्यौँ । तर, कुनै पार्टीको कार्यकर्ता देख्यौँ । सभामुखले आज ठूलो गल्ती के गर्नु भएको छ भने, संसदमा उपस्थित भएको संख्याको पनि गलत टिप्पणी सार्वजनिक गर्नुभएको छ । संसदमा नेपालको इतिहासमा नै पहिलोपल्ट होला कि संसदमा यसरी प्रमुख प्रतिपक्षलगायत अन्य प्रतिपक्षले हामीले आजको विश्वासको मत मान्दैनौँ भन्दै गर्दा सभाबाट जर्बजस्ती गरेको । अर्को कुरा मर्यादापालक कहाँ बस्ने हो ? मर्यादापालकले सभामुखलाई रक्षा गर्ने हो कि ? सांसदलाई रक्षा गर्ने हो ? वा सत्तापक्षका प्रधानमन्त्री र मन्त्रीलाई रक्षा गर्ने हो ? हाम्रो नियमावलीमा स्पष्ट के छ भने कुनैपनि मन्त्रीपटी, कुनैपनि मान्छेपटी अगाडी फर्केर मर्यादापालकहरु बस्न मिल्दैन भन्ने हाम्रो नियमावलीमा स्पष्ट लेखेको छ ।’

प्रतिपक्ष दलहरूको साझा निष्कर्ष नै सभामुखको भूमिका सभामुखको जस्तो नभएको उनको भनाइ थियो ।