वनमन्त्रीसँग १२ बोरको बन्दूक- ९ वटा घर, १५ ठाउँमा जग्गा

काठमाडौं । वन तथा वातावरणमन्त्री नवलकिशोर साह सुडीले आफ्नो सम्पत्ति विवरण सार्वजनिक गरेका छन् । प्रधानमन्त्री तथा मन्त्रिपरिषद् कार्यालयको वेबसाइटमा सार्वजनिक विवरणअनुसार साहको साथमा १२ बोरको एक थान बन्दूक (राइफल) छ ।

त्यस्तै सप्तरीको हनुमाननगर कंकालिनी नगरपालिका र राजविराजमा श्रीमती र छोरासहित गरी ९ वटा घर रहेको छ । उनले पेश गरेको विवरणमा १५ ठाउँ जग्गा देखाइएको छ । छोरा बुहारी र पत्नीको नाममा १५८ तोला सुन रहेको छ । उनले ८० लाख ऋण देखाएका छन् ।