विराटनगर जुट मिल पुनः सञ्चालन गर्ने सरकारको घोषणा
नेपाल प्रेस
२०८१ जेठ १५ गते १७:२०
विराटनगर । सरकारले देशकै जेठो उद्योग विराटनगर जुट मिल पुनः सञ्चालन गर्ने घोषणा गरेको छ ।
आर्थिक वर्ष २०८१/०८२ को बजेट सार्वजनिक गर्दै अर्थमन्त्री वर्षमान पुनले बन्द अवस्थामा रहेको विराटनगर जुट मिल सञ्चालनमा ल्याउने बताएका हुन् ।
उनले निजी साझेदारीमा सो उद्योग सञ्चालन गर्ने बताए ।
विराटनगर जुट मिल विसं. १९९३ मा स्थापना गरिएको थियो । नेपालको पहिलो यस उद्योगको नाममा ६९ बिघा जग्गा रहेको छ ।
अर्थमन्त्री पुनले विराटनगर जुट मिलसँगै हेटौंडा कपडा उद्योग र गोरखकाली रबर उद्योग पनि सञ्चालन गर्ने बताए ।
उनले बन्द रहेका यस्ता उद्योग सार्वजनिक-निजी साझेदारीमा सञ्चालनमा ल्याइने बजेट वक्तव्यमा घोषणा गरे ।
नेपाल प्रेस
प्रकाशित: २०८१ जेठ १५ गते १७:२०
प्रतिक्रिया
सम्बन्धित खवर
