माओवादी संसदीय दलको बैठक जारी

काठमाडौं । नेकपा (माओवादी केन्द्र) संसदीय दलको बैठक बसिरहेको छ । संसदीय दलको कार्यालय सिंहदरबारमा जारी छ ।

बैठकमा पछिल्लो समसामयिक राजनीतिक घटनाक्रम र सरकारले पेस गरेको बजेटबारे छलफल भइरहेको जनाइएको छ । अर्थमन्त्री वर्षमान पुनले जेठ १५ मा सार्वजनिक गरेको आव २०८१/८२ को बजेटमाथि आइतबारबाट छलफल हुँदैछ ।

बैठकमा प्रधानमन्त्रीसमेत रहेका पार्टी अध्यक्षले पछिल्लो राजनीतिक घटनाक्रमबारे पार्टीका सांसदहरूलाई जानकारी गराउनेछन् ।