गायक तथा संगितकार अवस्थीले ल्याए ‘आयाँ दर्शन गरि’ (भिडिओ)

कैलाली । सुदूरपश्चिमका चर्चित गायक तथा संगितकार राम प्रसाद अवस्थीले आफ्नो पछिल्लो साङ्गीतिक कोसेली बजारमा ल्याएका छन् ।

आफ्नो र पूर्णकला विसीको स्वरमा रहेको आयाँ दर्शन गरि बोलको देउडा गीत बजारमा ल्याएका हुन् । गीत सार्वजनिक भए लगत्तै यसले चर्चा पाइरहेको छ ।

सुदूरपश्चिमको बैतडीका अबस्थी डेढ दशकदेखि काठमाडौँमा रहेर देउवा गीत सङ्गीतमा लागिरहेका छन् । अवस्थीका दर्जनौँ गीत बजारमा आइसकेका छन् । पछिल्लो गीत सुदूरपश्चिमका अर्का चर्चित गायक नरेन्द्र राज रेग्मीको शब्द सङ्कलनमा तयार गरिएको हो ।

केशव बडूको एरेन्ज रहेको उक्त गीतको सङ्गीतकार गायक अवस्थी आफै हुन्। अहिले गीतको भिडिओ पनि बजारमा आइसकेको छ ।

भीम थापाले निर्देशन गरेको गीतको छायाङ्कन वीरेन्द्र भट्ट हुन् भने गीतमा कलाकार लोकेन्द्र साउद , संन्जिता शाही रहेका छन् ।