सानिमा रिलायन्स लाइफलाई कर्पोरेट वुमन्स बिच क्रिकेट २०२४ को शीर्ष उपाधि

काठमाडौं । सानिमा रिलायन्स लाइफ इन्स्योरेन्सले कर्पोरेट वुमन्सबीचक्रिकेट २०२४ को शीर्ष उपाधि हात पार्न सफल भएको छ ।

जेष्ठ १८ र १९ गते रिभरसाइड रिसोर्ट कुरिनटारमा आयोजित उक्त टुर्नामेन्टको फाइनल खेलमा साबिकको विजेता सिटिजन्स बैकलाई हराउँदै सानिमा रिलायन्स लाइफको महिला क्रिकेट टिमले उक्त उपाधि हासिल गरेको हो ।

टुर्नामेन्टमा सानिमा रिलायन्स लाइफ कै स्वस्तिका कार्कीले वेस्ट प्लेयर अफ द सिरिज, प्लेयर अफ द फाइनल तथा वेष्ट फिल्डरको अवार्ड समेत जित्न सफल भएकी थिइन ।

साथै विभिन्न खेलमा सानिमा रिलायन्स लाइफकै इलिसाथापा, विमला पन्त तथा स्वस्तिका कार्कीले प्लेयर अफ द म्याच अवार्ड जित्न सफल भएका थिए । विजेता टिमको क्याप्टेन श्वेता सिंह र टिम म्यानेजर सङ्गीता गिरी रहेका थिए । आयोजक एनइभेन्टस् रहेको उक्त वुमन्सबिच क्रिकेट टुर्नामेन्टको पदकहरू जित्न सफल टिमलाई कम्पनीको तर्फबाट बधाई ज्ञापन गरेको जनाएको छ ।