टी-२० विश्वकप : वेस्ट इन्डिजसँग पिएनजी पराजित

काठमाडौं । आईसीसी टी-२० विश्वकप क्रिकेटमा वेस्ट इन्डिजले आफ्नो पहिलो खेलमा पपुवा न्युगिनी (पिएनजी) पराजित गरेको छ । गए राती भएको खेलमा वेस्ट इन्डिजले पिएनजीलाई ५ विकेटको पराजित गरेको हो ।

पिएनजीले दिएको १३७ रनको विजयी लक्ष्य वेस्ट इन्डिजले १९ ओभरमा पुरा गर्‍यो । वेस्ट इन्डिजका लागि रोस्टन चेजले सर्वाधिक ४२ रनको जोडे । ब्रान्डन किंगले ३४ र निकोलस पुरनले २७ रनको योगदान दिए ।

बलिङमा पिएनजीका असद भालाले २ विकेट लिए ।

त्यसअघि टस हारेर पहिले ब्याटिङ गरेको पिएनजीले निर्धारित २० ओभरमा ८ विकेटको गुमाएर १३६ रन बनाएको थियो ।

पिएनजीका सेसे बाउले सर्वाधिक ५० रन बनाएका थिए । किप्लिन डोरिगाले २७ र असद भालाले २१ रनको योगदान दिएका थिए ।
बलिङमा वेस्ट इन्डिजका अलजारी जोसेफ र आन्द्रे रसेलले २-२ विकेट लिएका थिए ।