सचिवालय बैठक बस्नुअघि माधव नेपालले गरे प्रधानमन्त्री प्रचण्डसँग छलफल

काठमाडौं । नेकपा एकीकृत समाजवादीका अध्यक्ष माधव नेपाल प्रधानमन्त्री पुष्पकमल दाहाल प्रचण्डसँग छलफल गरेका छन्।

बिहान अध्यक्ष नेपालले बालुवाटार पुगेर प्रधानमन्त्रीसँग छलफल गरेको प्रधानमन्त्रीको सचिवालयले जनाएको छ।

भेटमा मधेश सरकार र पछिल्लो राजनीतिक घटनाक्रमबारे छलफल भएको बताइन्छ। प्रधानमन्त्रीसँग छलफल गरेर फर्केका अध्यक्ष नेपालले पार्टीको सचिवालय बैठक राखेका छन्। बैठक केही बेरमा पार्टी कार्यालयमा आलोक नगरमा सुरु हुँदै छ।

बैठकमा मधेश सरकारबाट मन्त्री फिर्ता बोलाउनेदेखि महाधिवेशनको लगायतको विषयमा छलफल हुनेछ।

नेकपा एसले जसपा नेपालबाट मुख्यमन्त्री बनेका सरोज यादव नेतृत्वको सरकारबाट मन्त्री फिर्ता बोलाएपछि नयाँ सरकार गठनको बाटो खुला हुन्छ।

बिहान अध्यक्ष नेपालसँग छलफल गरेका प्रधानमन्त्री प्रचण्डले अहिले एमालेका अध्यक्ष केपी ओली र कांग्रेस सभापति शेरबहादुर देउवासँग छलफल गरिरहेका छन्।