मधेश प्रदेशसभा बैठकमा जनमतको अवरोध, १० मिनेटका लागि बैठक स्थगित

जनकपुरधाम । मधेश प्रदेशसभाको तेस्रो अधिवेशनको पहिलो बैठक नै प्रतिपक्षी दल जनमत पार्टीले अबरुद्ध गरेको छ ।

सप्तरीको राजविराजमा कृषि विश्वविद्यालय भवनको शिलान्यास समारोहमा मन्त्रीमाथि भएको आक्रमण घटनाको छानविन गर्न समिति बनाउनुपर्ने भन्दै जनमतका सांसदहरु प्रदेशसभा बैठक अबरुद्ध गरेका थिए ।

तेस्रो अधिवेशन आह्वान गरिएको र मन्त्रिपरिषद् पुनर्गठन गरिएको पत्र सभामुख रामचन्द्र मण्डलले पढेर सुनाएलगत्तै जनमतका सांसदहरु बैठक अबरुद्ध गरे । बैठक अबरुद्ध भएपछि सभामुख मण्डलले १० मिनेटका लागि स्थगित गरेका छन् ।

बैठकमा जनमतका सांसद संजय यादवले कृषि विश्वविद्यालय भवनको शिलान्यासको क्रममा भएको घटनाको छानविन गर्न पटक पटक माग राख्दा पनि वेवास्ता गर्दा बाध्य भएर सदन अबरुद्ध गर्नुपरेको बताएका थिए ।