मतगणनाको रुझानप्रति भाजपाको प्रतिक्रिया- हामीले सोचेभन्दै विल्कुल अनपेक्षित र निराशाजनक

काठमाडौं । भारतको लोकसभा निर्वाचनको मतगणना जारी रहँदा ४ सय पारको नारा लिएको सत्तारुढ भारतीय जनता पार्टीले प्रारम्भिक रुझान आफ्नो आँकलनविपरीत आएको प्रतिक्रिया दिएको छ ।

भाजपाका प्रवक्ता तथा राज्यसभा सांसद सुधांशु त्रिवेदीले मतगणनाको रुझान अनपेक्षित र निराशाजनक रहेको बताएका छन् । उनले टिभी च्यानलसँग प्रतिक्रिया दिँदै सोचेभन्दा फरक नतिजा आएको बताए ।

भाजपा नेता त्रिवेदीले विशेष गरी उत्तर प्रदेश,पश्चिम बंगाल र राजस्थानको परिणाम विल्कुल अनपेक्षित रहेको बताए । उनले भाजपाले सोचेजस्तो परिणाम ल्याउने सम्भावना कमजोर भएको स्वीकार गरे पनि बिजेपी गठबन्धनकै सरकार बन्ने दाबी गरेका छन् ।