हावाहुरीको कारण रुख ढल्दा मकवानपुरमा एकजनाको मृत्यु

हेटौंडा । अचानक आएको हावाहुरीले रुख ढल्दा किचिएर मकवानपुरमा एकजना युवकको मृत्यु भएको छ । मृत्यु हुनेमा मनहरी गाउँपालिका वडा नम्बर २ का २२ वर्षीय रामबहादुर गोले हुन् ।

आफ्नै घर नजिकै बारिमा घाँस काटिरहेका गोलेलाई अचानक आएको हावाहुरीले नजिककै साजनको रुख ढलेर किचेको थियो । गोलेको घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ ।