चुनाव जितेकोमा गोलेलाई चाम्लिङको बधाई, आफ्नो कमजोर प्रदर्शनमा प्रतिक्रियाविहीन

काठमाडौं । सिक्किमको विधानसभा चुनावमा जितेकोमा पूर्वमुख्यमन्त्री तथा सिक्किम डेमोक्रेटिक फ्रन्टका सभापति पवन चाम्लिङले पे्रम सिंह (पिएस) गोलेलाई बधाई दिएका छन् । उनले आफ्नो सामाजिक सञ्जालमा पार्टीको औपचारिक पत्रमा सभापतिको रुपमा हस्ताक्षर राखेर बधाई दिएका हुन् ।

चुनावमा विजयी भएकोमा गोलेले नेतृत्व गरेको सिक्किम क्रान्तिकारी मोर्चालाई बधाई दिएका उनले भारतको निर्वाचन आयोगलाई धन्यवाद भनेका छन् । लोकतन्त्रको महत्वपूर्ण पद्धती चुनावमा सहभागी भएको भन्दै उनले सिक्किमे जनतालाई धन्यवाद पनि दिएका छन् ।

तर, ३२ सिटमा गोलेको दलले ३१ जित्दा आफ्नो दलले एक मात्रै जितेको तथा आफूले दुई स्थानबाट चुनाव हारेपछि राजनीतिबाट विश्राम लिने वा पार्टीको तर्फबाट कार्यकर्तासँग माफी भने चाम्लिङले मागेका छैनन् ।

याे पनि पढ्नुस्:

सिक्किम विधानसभा चुनाव: गोलेको दलले ३२ मा जित्यो ३१ सीट, पवन चाम्लिङ दुइटै क्षेत्रमा पराजित

पवन चाम्लिङको चार दशकको राजनीतिः यस्तो छ उदयदेखि पतनको गति