नेदरल्यान्ड्विरुद्ध नेपालको ब्याटिङ संकटमा, १० ओभरको खेल सकिँदा ४ विकेट गुमाएर बनायो ५३ रन

काठमाडाैं । टी–२० विश्वकपमा पहिलो खेल खेलिरहेको नेपाल संकटमा परेको छ । नेदरल्यान्ड्सका बलरहरुले कसिलो बलिङ गर्दै नेपालका ब्याट्सम्यानलाई खुलेर खेल्न दिएका छैनन् । १० ओभरको खल समाप्त हुँदा नेपालले स्कोरबोर्डमा ५२ रन मात्रै जोड्न सक्यो भने ४ जना ब्याट्सम्यान आउट भएका छन् ।

पहिलो विकेटका रुपमा आसिफ शेख आउट भएका थिए भने उनलाई पछ्याउँदै कुशल भुर्तेल पनि पेभिलियन फर्किए । दुवै ब्याट्सम्यानले दोहोरो अंकमा रन बनाउन सकेनन् । तेस्रो विकेटका लागि कप्तान रोहित पौडेल र अनिल साहले झिनो साझेदारी गरे ।

तर, अनिल पनि ११ रनको निजी स्कोरमा आउट भए । पाचौं विकेटका रुपमा आएका कुशल मल्ल पनि धेरै बेल टिक्न सकेनन् । उनले ९ बलमा ९ रन बनाएर आउट भएका छन् ।

एउटा इन्डबाट कप्तान पौडेल संघर्षरत छन् । अहिले दिपेन्द्रसिंह ऐरी उनलाई साथ दिन आएका छन् । यो जोडी नेपालका लागि अत्यधिक महत्वपूर्ण छ ।