नेपालको कमजोर ब्याटिङ, १०६ रनमा अलआउट

काठमाडौं । टी २० विश्वकपको पहिलो खेलमा नेपालले खराब ब्याटिङ गर्दै १०६रनमा समेटिएको छ । नेपालका लागि कप्तान रोहितकुमार पौडेलले सर्वाधिक ३५ रन बनाए ।

नेपालका लागि कप्तान रोहित पौडेलले सर्वाधिक ३५ रन जोडे । चौथो नम्बरमा ब्याटिङ गर्ने आएका कप्तान रोहितले ३७ बलमा ५ चौकाको मुद्दतमा ३५ रन जोडेर आउट भए ।

१० रन जोड्दा ओपनर आसिफ शेखलाई गुमाएको नेपालले १५ रन जोड्दा अर्का ओपनर कुशल भुर्तेललाई गुमाएको थियो ।

आसिफ ४ र कुशल ७ रन बनाएर आउट भए । ४० रन जोड्दा अनिल शाह, ५२ रन जोड्दा कुशल मल्ल र ५३ रन जोड्दा दीपेन्द्रसिंह ऐरी आउट भए ।

अनिल ११, कुशल मल्ल ९ र दीपेन्द्र १ रन जोडे । सोमपाल कामी ०, गुल्सन झा १४ र करन केसीले १७ रन जोडेर आउट भए ।