पुस्तकमा नेकपा एमाले रुपन्देहीको इतिहास

रुपन्देही । नेकपा एमाले रुपन्देहीको संक्षिप्त इतिहास प्रकाशन भएको छ । भैरहवामा भइरहेको नेकपा एमाले रुपन्देहीको १०औं जिल्ला अधिवेशनमा पार्टीका केन्द्रीय उपाध्यक्ष विष्णुप्रसाद पौडेलले उक्त पुस्तक विमोचन गरेका हुन् ।

रुपन्देही जिल्लाको कम्युनिष्ट आन्दोलनको इतिहास समेटेर नेकपा एमाले रुपन्देहीको संक्षिप्त इतिहास पुस्तक प्रकाशन गरिएको हो । रुपन्देही जिल्ला कमिटीले ५०औं वर्ष पूरा गरेको अवसरमा नेकपा एमाले जिल्ला कमिटी रुपन्देहीले प्रकाशन गरेको पुस्तकको लेखन तथा सम्पादन डा. मुरारी पराजुलीले गरेका हुन् ।

६ अध्याय रहेको पुस्तकमा रुपन्देही जिल्लाको परिचय, कम्युनिष्टको परिचय र प्रसार, नेपाल कम्युनिष्ट पार्टीको परिचय र परम्परा, नेकपा एमाले रुपन्देहीको इतिहास, एमाले रुपन्देहीको संक्षिप्त नेतृत्व परिचय तथा २००९ देखि २०८१ सालसम्मको नेकपा एमाले रुपन्देही जिल्ला पार्टीको नेतृत्व गर्ने व्यक्तिहरुको समयावधिसहितको नामावली र पार्टीले गरेका कामको समेत विवरण रहेको छ ।

नेकपा एमाले रुपन्देही जिल्लाका प्रथम सचिव २००९-२०११ देखि हाल रुपन्देही जिल्लाका अध्यक्ष तेजेन्द्र केसी (२०७८-२०८१) को व्यक्तिगत र पार्टीगत जीवनी रहेको छ ।