भारतीय मुलका मौरिससका प्रधानमन्त्रीसहित सार्कका तीन प्रधानमन्त्री र दुई राष्ट्रपति मोदीको शपथमा जाँदै

काठमाडौँ । आइतबार साँझ हुने भारतीय प्रधानमन्त्री नरेन्द्र मोदीको तेस्रो कार्यकालको प्रधानमन्त्रीत्वको शपथग्रहणको लागि सार्क देशका तीन प्रधानमन्त्री तथा दुई राष्ट्रपति पुग्ने भएका छन् ।

त्यसरी पुग्नेहरुमा नेपालका प्रधानमन्त्री पुष्पकमल दाहाल ‘प्रचण्ड’, बंगलादेशकी प्रधानमन्त्री शेख हसिना, भुटानका प्रधानमन्त्री छिरिङ तोग्बे छन् भने राष्ट्रपतिहरुमा दुई वटा टापु देश श्रीलंकाका राष्ट्रपति रनिल बिक्रमासिंघे र माल्दिभ्सका राष्ट्रपति माेहमद मैजू छन् । य

स्तै शपथग्रहण समारोहमा सार्क बाहिरबाट भारतीय मुलका मौरिससका प्रधानमन्त्री प्रविण कुमार जुगनाथसमेत पुग्ने भएका छन् ।

सन २०१४ मा पहिलोपटक प्रधानमन्त्री हुँदा सार्क देशका सबै प्रमुखहरुलाई बोलाएका मोदीले यो भ्रमणमा पाकिस्तान र अफगाानिस्तान बाहेकका देशहरुलाई मात्रै निम्तो गरेका छन् ।

मोदीको सपथ दिल्लीको स्थानीय समय अनुसार आइतबार साँझ ६ बजे हुनेछ ।