राजधानीमा यौनिक तथा लैङ्गिक अल्पसंख्यकहरुकाे प्राइड परेड (तस्विरहरु)
नेपाल प्रेस
२०८१ जेठ २६ गते १४:४२
काठमाडौं । काठमाडौंमा यौनिक तथा लैङ्गिक अल्पसंख्यकहरुले छैटौं ‘नेपाल प्राइड परेड’ निकालेका छन् ।
शनिबार संघीय राजधानीको शान्ति बाटिकाबाट सुरू भएको गौरव र्याली नक्सालको नारायणचौरमा समापन गरिएको थियो । क्वायर युथ ग्रुप र क्वायर राइट कलेक्टिभको आयोजनामा परेड भएकाे हो ।
यात्रामा सहभागीहरुले आफ्नो पहिचान गलत हैन भन्दै विभिन्न प्लेकार्ड प्रदर्शन गरेका थिए ।
अङ्ग्रेजी पात्रोअनुसार जुन महिनालाई ‘प्राइड मन्थ’ अर्थात् ‘गौरवको महिना’ मानिन्छ र यो महिनामा लैङ्गिक तथा यौनिक अल्पसंख्यकहरुले विभिन्न कार्यक्रम आयोजना गर्छन् ।
यसै महिना विश्वभर गौरव यात्रा अर्थात प्राइड परेड आयोजना गरिन्छ । सन् १९६९ जुन महिनामा न्यूयोर्कको स्टोनवाल दङ्गापछि यौनिक तथा लैङ्गिक अल्पसङ्ख्यकहरूले गौरव यात्रा मनाउँदै आएका छन् ।
नेपाल प्रेस
प्रकाशित: २०८१ जेठ २६ गते १४:४२
प्रतिक्रिया
सम्बन्धित खवर
