जसपा नेपालको सह-अध्यक्षमा राउतको पक्षमा उभिइन् जसपाकी रेणु यादव

जनकपुरधाम । जसपा नेपालको महाधिवेशनमा सह-अध्यक्षमा उम्मेदवारी दिएका लालबाबु राउतको पक्षमा नवगठित जसपाकी सह-अध्यक्ष रेणु यादव खुलेकी छन् ।

जसपा नेपालको सह-अध्यक्षमा राउत, रकम चेम्जोङ र राजकिशोर यादव उम्मेदवारी दिएका छन् । राउत मधेशका पूर्व मुख्यममन्त्री छन् ।

जसपा नेपालमा रहँदा राउत रेणु यादव निकट थिए । जसपा नेपालबाटै अशोक राईको नेतृत्वमा जसपा गठन भएपछि रेणु सह-अध्यक्षको जिम्मेवारी पाइन् ।

रेणुले सामाजिक संजालमा हिन्दीमा लेखेकी छन्, ‘सह-अध्यक्ष में लाल बाबू राउत  जी कि सम्भावना ।’ उनको स्टाटस हेर्दा रेणु राउतलाई सह-अध्यक्ष बनाउन खोजेको देखिन्छ ।

जसपा नेपालको महाधिवेशन अन्तर्गत आजै अबेर राति वा भोली विहान नेतृत्व चयनका लागि चुनाव हुने सम्भावना छ । पदाधिकारीमा धेरै उम्मेदवारी परेपछि सहमती जुटाउने सम्भावना न्यून छ ।