‘नेपालमा रेल कहिले आउला’ बोलको गीत सार्वजनिक (भिडियो)

काठमाडौं । ‘नेपालमा रेल कहिले आउला’ बोलको दोहोरी गीत सार्वजनिक भएको छ । रविन लामिछाने र सुनिता बुढा क्षेत्रीको स्वरमा रहेको उक्त गीत गायक रविनकै अफिसियल युट्युब च्यानलबाट सार्वजनिक भएको हो ।

स्मृति तिमल्सिना ‘गुरुआमा’ ले छायांकन र निर्देशन गरेको गीतको भिडियोमा सुमन परियार, अर्जुन सापकोटा, अञ्जली अधिकारी र निहारिका थापाले अभिनय तथा नृत्य गरेका छन् ।

नविन घर्ती मगरले सम्पादन गरेको गीत एडभेन्चर इन्टरटेनमेन्टले निर्माण गरेको हो । गीतमा गायक लामिछानेकै शब्द र संगीत रहेको छ भने संगीत संयोजन कृष्ण केसीले गरेका छन् । एचविएन किस्मतले मिक्सिङ गरेको गीत वान डिवी एचडी नेक्स्ट लेभल स्टुडियोमा रेकर्ड गरिएको हो ।