झापामा नाबालक २ छोरासहित आमा घरभित्रै मृत भेटिए

विराटनगर । झापाको शिवसताक्षी नगरपालिकामा २ छोरासहित आमा घरभित्रै मृत अवस्थामा फेला परेका छन् ।

नगरपालिकाको वडा नम्बर ३ की अञ्जली बेस्रा र उनका २ छोरा मृत अवस्थामा भेटिएका हुन् ।

प्रहरीका अनुसार छोराहरू ८ वर्षीय विशाल बेस्रा र २ वर्षीय आयुष रहेका छन् ।

इलाका प्रहरी कार्यालय झिलभिलेका प्रहरी निरीक्षक अनिष बुढाथोकीले घटनाको विषयमा थप अनुसन्धान भइरहेको प्रहरीले जनाएको छ ।

उनका श्रीमान् अहिले वैदेशिक रोजगारीका लागि कतारमा रहेका छन् ।