माओवादीबाट रामेछापको मेयरका उम्मेदवार नरेशबाबु श्रेष्ठ एमालेमा प्रवेश
नेपाल प्रेस
२०८१ जेठ ३२ गते १४:०५
रामेछाप । नेकपा माओवादी केन्द्रका रामेछाप नगर कमिटी उपाध्यक्ष तथा मेयरका उम्मेदवार नरेशबाबु श्रेष्ठ नेकपा एमालेमा प्रवेश गरेका छन् । शुक्रवार रामेछाप नगर अधिवेशनको अवसरमा श्रेष्ठ एमाले प्रवेश गरेका हुन् ।
यसअघि उनले केन्द्रीय संगठन विभागका प्रमुख काशीनाथ अधिकारी र सचिव माधव ढुंगेलसँग भेटेर पार्टी सदस्यता टुङ्ग्याएका थिए ।
नगर अधिवेशन उद्घाटन समारोहमा उनलाई एमाले बागमती प्रदेश अध्यक्ष कैलाश ढुंगेल, पोलिटब्युरो सदस्य कमल चौलागाई, संगठन विभाग सचिव माधव ढुंगेललगायतका नेताहरूले स्वागत गरेका छन् ।
विगत २५ वर्षदेखि माओवादी युद्ध र आन्दोलनमा लागेका श्रेष्ठ रामेछापका पहिलो पुस्ताका कम्युनिस्ट नेता स्वर्गीय नारायणबाबु श्रेष्ठका छोरा हुन् ।
रामेछापमा कम्युनिस्ट पार्टी स्थापना गर्नेमध्येका नारायणबाबुका कान्छा छोरा रमेशबाबु नेकपा एसको केन्द्रीय परिषद् सदस्य छन् ।
नरेशबाबु गत स्थानीय निर्वाचनमा रामेछापको मेयर उम्मेदवार भई २५९८ मत प्राप्त गरेका थिए ।
नेपाल प्रेस
प्रकाशित: २०८१ जेठ ३२ गते १४:०५
प्रतिक्रिया
सम्बन्धित खवर
