अमेरिका सुपर-८ मा, एक खेलअगावै बाहिरियो पाकिस्तान

काठमाडौं । अमेरिका र वेष्ट इन्डिजमा जारी आईसीसी टी- २० विश्वकप क्रिकेटमा पाकिस्तान एक खेल अगावै सुपर-८ को दौडबाट बाहिरिएको छ ।

वर्षाका कारण अमेरिका र आयरल्यान्डबिचको खेल रद्ध भएसंगै पाकिस्तान सुपर-८ को दौडबाट बाहिरिएको हो । उक्त समूहबाट भारत ३ खेलबाट ६ अंक र अमेरिका ४ खेलबाट ५ अंक जोड्दै सुपर-८ को यात्रा तय गरेका हुन् ।

३ खेलमा एक जित र २ हारसहित २ अंक जोडेको पाकिस्तान एक खेल अगावै बाहिरिएको हो । पाकिस्तानसंगै समान ३ खेल खेलेका क्यानडा २ र आयरल्यान्ड १ अंकसहित प्रतियोगिताबाट बाहिरिएका हुन् ।

समूह ‘ए’ मा रहेका भारत, पाकिस्तान, क्यानडा र आयरल्यान्डले एकएक खेल खेल्न बाकी छ ।