श्रममन्त्री अर्यालले सार्वजनिक गरे सय दिनको कामको फेहरिस्त (पूर्णपाठ)

काठमाडौं । श्रम रोजगार तथा सामाजिक सुरक्षामन्त्री डोलप्रसाद अर्यालयले मन्त्रालय सम्हालेयताका सय दिनमा गरेका काम र उपलब्धि सार्वजनिक गरेका छन् ।

मन्त्री अर्यालले प्राप्त नतिजा तथा प्रभावलाई ४ वटा बुँदामा राखेका छन् । जसमा वैदेशिक रोजगारीमा जाने श्रमिकको समय, श्रम, लागत र हैरानी न्यूनीकरण भएको, श्रम स्वीकृतिसम्बन्धी सेवा प्रवाह चुस्त र र प्रभावकारी भएको, सार्वजनिक सेवाप्रति नागरिकको विश्वास बढेको र श्रम स्वीकृति प्रक्रियामा हुनसक्ने ठगी नियन्त्रण भएको प्रगति विवरणमा उल्लेख छ ।

साउन १ गतेदेखि विदेशी नियोगहरुमा अनलाइनबाट वैदेशिक रोजगारी मागपत्र प्रमाणीकरण गरिने उनले बताए । आइतबार मन्त्रालयमा आयोजित पत्रकार सम्मेलनमा उनले प्रमुख श्रम गन्तव्य साउदी अरब, कतार, मलेसिया तथा खाडीका अन्य देशमा माग प्रमाणीकरण अनलाइनबाट सबै नियोगमा सुरुवात गरिने जानकारीसमेत गराए ।

अहिलेसम्म प्रमुख श्रम गन्तव्यमा अनलाइन प्रणालीको विकास नहुँदा रोजगारदाता कम्पनीले दूतावासमा धाउनुपर्ने, कागजातको आधिकारिकता परीक्षण गर्न कठिनाइ हुने, कार्य प्रक्रिया पारदर्शी नहुने, धेरै समय र लागत लाग्ने जस्ता गुनासा आएकाले त्यसलाई अनलाइन प्रमाणीकरण गर्ने कार्य दुबईमा सुरूवात गरिउको उनको भनाइ छ ।

डिग्री पास अंग्रेजी भाषामा गरे पनि विदेशमा काम गर्न जाँदा अग्रेजी भाषा सिकेर ५० नम्बर ल्याएरमात्रै जान पाउने विवादास्पद कार्यविधि खारेज गरिएको उनले बताए । जापान, कोरिया र इजरायलमा कामदार भिसाका श्रमिक पठाउने विषयमा अध्ययन भन्दै उनले यसमा छिटो निर्णयमा पुग्ने बताए ।

श्रममन्त्री अर्यालले वैदेशिक रोजगारीमा गएर मृत्यु भएका श्रमिकका परिवारले पाउने क्षतिपूर्ति बढाउने तयारी गरिएको पनि सुनाए । उनका अनुसार वैदेशिक रोजगारीमा गएर मृत्यु भएका श्रमिकका परिवारलाई दिँदै आएको क्षतिपूर्ति रकम ७ लाखबाट बढाएर १० लाख पुर्‍याउने गरी गृहकार्य भइरहेको छ ।

सरकारले प्रयास जतिसक्दो चाँडो देश बस्न लायक बनाउने रहेको उनको भनाइ छ ।

यस्तो छ मन्त्री अर्यालले सार्वजनिक गरेको १०० दिनको कामको फेहरिस्त