नेपाली क्रिकेट टीम फर्कियो, सन्दीप दुई दिनपछि आइपुग्ने (भिडिओ)
नेपाल प्रेस
२०८१ असार ६ गते ११:३५
काठमाडौं । टी-२० विश्वकपमा सहभागी भएर नेपाली राष्ट्रिय क्रिकेट टीम स्वदेश फर्किएको छ । हिजो राति र आज बिहान गरी दुईवटा समूहमा बाँडिएर टिम फर्किएको हो ।
कुशल भुर्तेल, सोमपाल कामी, आसिफ शेख, करन केसी र अविनाश बोहरालगायतको समूह हिजो राति १० बजे विमानस्थलमा ओर्लिएको थियो । कप्तान रोहित कुमार पौडेल लगायत बाँकी रहेका खेलाडी तथा अफिसियल आज आएका हुन् ।
स्पीनर सन्दीप लामिछाने भने आइपुगेका छैनन् । टीमका अन्य सदस्य अमेरिका भएर नेपाल आएको क्यान स्रोतले बताएको छ ।
सन्दीपसँग अमेरिकाको भिसा नभएकाले उनी अर्को रुटबाट आउनु परेको छ । उनी क्यानडाबाट आउने छ । दुई दिनपछि उनी आइपुग्ने बताइएको छ ।
यस्तै प्रशिक्षक मोन्टी देशाईँ पनि आएका छैनन् ।
तस्बिरहरु : उमेश कार्की/नेपाल प्रेस
नेपाल प्रेस
प्रकाशित: २०८१ असार ६ गते ११:३५
प्रतिक्रिया
सम्बन्धित खवर
