कोपा अमेरिका: इक्वेडरमथि भेनुजयलाको जित

काठमाडौं । अमेरिकामा जारी कोपा अमेरिका-२०२४ को आफ्नो पहिलो खेलमा इक्वेडरलाई पराजित गर्दै भेनुजएलाले जित दर्ता गरेको छ ।

समूह बीअन्तर्गत आइतबार बिहान भएको खेलमा इक्वेडरलाई भनेजुएलाले २-१ ले पराजित गरेको हो ।

खेलको २२औं मिनेटमै इक्वेडरलाई झड्का लाग्यो । इनर भ्यालेन्सियाले रातो कार्ड पाएपछि उनिहरु खेल अवधिभर १० जना खेलाडीमा मात्र निर्भर बने ।

त्यसका बावजुत पनि जेरेमी सार्मिएन्टोले ४०औं मिनेटमा गोल गर्दै इक्वेडरलाई पहिले अग्रता दिलाएका थिए ।

जोन्डर काडिजले ६४औं मिनेटमा भेनेजुएलाका लागि बराबरी गोल फर्काए । त्यसको १० मिनेटपछि एडवार्ड बेलोले गोल गर्दै भेनेजुएलालाई २-१ को जित दिलाए ।