टी-२० विश्वकप : अमेरिकालाई पराजित गर्दै इङ्ल्याण्ड सेमिफाइनलमा प्रवेश

काठमाडौं । अमेरिकालाई पराजित गर्दै इङ्ल्याण्ड जारी आईसीसी टी-२० विश्वकप क्रीकेटमा सेमिफाइनलमा प्रवेश गरेको हो । गएराती भएको खेलमा अमेरिकालाई १० विकेटले पराजित गर्दै इङ्ल्याण्ड सेमिफाइनलमा पुग्ने पहिलो टोली बनेको हो ।

अमेरिकाले दिएको ११६ रनको लक्ष्य इङ्ल्याण्डले ९ ओभर ४ बलमा बिना विकेटको क्षतिमा पूरा गर्‍यो । इङ्ल्याण्डका ओपनर जोस बटलर ८३ र फिल साल्टले २१ रन जोड्दै अविजित रहे ।

त्यसअघि पहिला ब्याटिङ गरेको अमेरिका १८ ओभर ५ बलमा ११५ रनमा समेटिएको थियो । अमेरिकालाई सस्तोमा समेट्न इङ्ल्याण्डका क्रीस जोर्डनले ह्याटि्रकसहित ४ विकेट लिएका थिए ।

ब्याटिङमा अमेरिकाका नितिश कुमारले सर्वाधिक ३० रन जोडे। यो हारसँगै अमेरिकाले विश्वकपको यात्रा सकाएको छ । सुपर-८ मा जितबिहिन हुँदै अमेरिका विश्वकपबाट बाहिरिएको हो ।

यो ग्रुप (ग्रुप-२) बाट इङ्ल्याण्ड सेमिफाइनलमा प्रवेश गर्दा दोस्रो टोलीको भने टुंगो लागेको छन् । २ खेलबाट ४ अंक जोडेको दक्षिण अफ्रिका र २ खेलबाट २ अंक जोडेको वेस्ट इन्डिजबिचको खेलको नतिजाले सेमिफाइनल खेल्ने टोलीको टुंगो लाग्नेछ ।