गण्डकीका सांसद फणीन्द्र देवकोटालाई प्रदेशसभा बैठक प्रवेशमा रोक
नेपाल प्रेस
२०८१ असार १३ गते १२:५८
पोखरा । गण्डकी प्रदेशका सांसद फणीन्द्र देवकोटालाई प्रदेशसभा बैठकमा प्रवेश गर्न रोक लगाइएको छ ।
पार्टीको ह्वीप विपरीत मुख्यमन्त्रीलाई विश्वासको मत दिएको भन्दै फणीन्द्रमाथि जेठ ३२ गते माओवादी केन्द्रले कारबाही गरेको थियो ।
तर, सर्वोच्च अदालतले कारबाही तत्कालका लागि कार्यान्वयन नगर्न आदेश दिएसँगै फणीन्द्रको पद जोगिएको थियो ।
सर्वोच्चको आदेशपछि बिहीबार बस्ने प्रदेश सभा बैठकमा प्रवेश गर्न लागेका फणीन्द्रले मर्यादा पालकले रोक लगाएका हुन् ।
‘प्रदेशसभा प्रवेश गर्ने बेला मर्यादापालकले एकछिन भनेर रोक्नुभयो । मैले केही भन्ने कुरा पनि रहेन । अहिले बाहिर बसिराखेको छु,’ फणीन्द्रले नेपाल प्रेससंग भने ।
अहिले गण्डकी प्रदेशसभा बैठक चलिरहेको छ ।
नेपाल प्रेस
प्रकाशित: २०८१ असार १३ गते १२:५८
प्रतिक्रिया
सम्बन्धित खवर
