स्वरुपाको ‘मनमा तिम्रो’ मा वियोगान्त प्रेम कथा

काठमाडौं । स्वरुपा सुवालको स्वरमा पप शैलीको ‘मनमा तिम्रो’ बोलको गीतको भिडिओ बजारमा आएको छ । प्रेममा धोका पाएकी एक प्रेमिकाको कथालाई टिपेर निर्देशक सुब्रत आचार्यले भिडिओ निर्देशन गरेका हुन् ।

जसमा गायिका स्वरुपाकै शब्द, संगीत तथा अभिनय रहेको छ । अभिनयमा स्वरुपालाई मोडल विकास लामिछानेले साथ दिएका छन् । विकास धोकेबाज प्रेमीका रूपमा देखा परेका छन् भने स्वरुपाले उनलाई छाडेर आफ्नो बाटो लागेको वियोगान्त प्रेम कथालाई देखाइएको छ ।

पोखरामा छायांकन गरिएको उक्त भिडिओमा मनमा सजाएको मान्छेविना पनि जीवन एक सम्भावना हो भन्ने कुरालाई देखाउन खोजिएको गायिका स्वरुपा बताउँछिन् । ओएसआर डिजिटलबाट रिलिज गरिएको भिडिओको छायांकन उत्सव दाहालले गरेका हुन् भने सम्पादन विकास दाहालको छ । जसको क्रियटिभ डाइरेक्टर जया शर्मा हुन् ।