सर्वसहमत नभए लोकतान्त्रिक विधिबाट नेतृत्व चयन हुन्छ: झलनाथ खनाल (भिडिओ)

काठमाडौं । नेकपा एकीकृत समाजवादीका सम्मानित नेता झलनाथ खनालले पार्टीले अघि सारेको नीति अनुसार नेतृत्व चयन हुने बताएका छन्।

महाधिवेशनबारे जानकारी दिन आयोजित पत्रकार सम्मेलनमा बोल्दै महाधिवेशबाट सर्वसहमत नेतृत्व चयन गर्ने बताए।

उनले भने, ‘अबको नेतृत्व सर्वसम्मत ढंगले निर्माण गरौं, त्यसले सिंगो कम्युनिष्ट आन्दोलनलाई ठिक दिशामा अगाडि बढाउँछ। हामी नेताहरुमा केही त्यस्तो ठूलो समस्या छैन। कहिलेकाहिँ बहस गर्छौँ। कम्युनिष्ट पार्टीका नेताहरुका बीचमा बहस हुनु कुनै ठूलो कुरा होइन।’

महाधिवेशनले निकालेको निष्कर्ष लागू गर्ने नेतृत्व सर्वसहमत चयन गर्ने बताए। उनले केही गर्दा नमिलेपछि लोकतान्त्रिक विधिबाट नेतृत्व चयन गर्ने उनको भनाइ छ।उनले नेतृत्वको विषयमा नेताहरुबीच छलफल चलिरहेको उल्लेख गर्दै आफूहरुले गुटबन्दी नगरेको जिकिर गरे।