तस्बिरमा हेर्नुहोस्, नेकपा एसको राष्ट्रिय महाधिवेशन

काठमाडौं । नेकपा एकीकृत समाजवादीको दशौं राष्ट्रिय महाधिवेशन आजदेखि सुरू भएको छ । प्रज्ञा भवन कमलादीमा पार्टी अध्यक्ष माधव नेपालले महाधिवेशनको उद्घाटन गरेका हुन् ।

महाधिवेशनको उद्घाटन सत्र हुनुअघि र्‍याली निकालिएको थियो। आजदेखि सुरू भएको महाधिवेशन पाँच दिनसम्म चल्नेछ । यो महाधिवेशनले दुई सय ९९ सदस्यीय कार्यसमिति तथा २१ पदाधिकारी चयन गर्नेछ ।

महाधिवेशनमा विभिन्न राजनीतिक दलका शीर्ष नेताले सम्बोधन गर्नेछन्। महाधिवेशनमा भाग लिन देशभरबाट एक हजार ८४९ प्रतिनिधि काठमाडौं आएका छन् । तत्कालीन एमालेबाट विद्रोह गरेको करिब तीन वर्षअघि नेकपा एसले पहिलो महाधिवेशन गरेको छ ।

पार्टीको भावी नेतृत्वमा माधव नेपाल, सम्मानित नेता झलनाथ खनाल र महासचिव घनश्याम भुसालले दाबी गरेका छन्। यद्यपी, पार्टीको पहिलो महाधिवेशन भएकाले सर्वसम्मत नेतृत्व चयन गर्न पार्टी पंक्तिले दबाब दिइरहेका छन् ।