अन्जनाको पक्षमा स्टाटस लेख्दा राप्रपा सैनिक संगठनका अध्यक्षलाई स्पष्टीकरण

काठमाडौं । राप्रपानिकट भूपू सैनिक संगठनका अध्यक्ष प्रकाशजंग कार्कीलाई पार्टीले स्पष्टीकरण सोधेको छ ।

कार्कीले असार १५ गते आफ्नो फेसबुक वालमा लेखेको स्टाटसले केन्द्रीय कार्य सम्पादन समितिलाई दबाब दिने, पार्टीप्रति नकारात्मक धारणा सृजना गर्न मद्दत गरेको किन नमान्ने ? र सो आधारबाट किन कारबाही गर्नु नपर्ने हो ? भनी सोधिएको छ ।

महामन्त्री राजेन्द्र गुरुङ्गले कार्कीलाई ४८ घण्टाभित्र स्पष्टीकरण पेश गर्न भनेका छन् ।

कार्कीले राष्ट्रिय प्रजातान्त्रिक महिला संगठनकी अध्यक्ष अन्जना शाह रावलले दिएको राजीनामा फिर्ता गराउन पार्टी नेतृत्वलाई दबाब दिँदै यदि राजीनामा स्वीकृत गरिए सैनिक संगठनका सबै पदाधिकारी र शाखाले राजीनामा दिने भन्दै फेसबुकमा स्टाटस लेखेका थिए ।