महाधिवेशन सकेलगत्तै प्रचण्ड भेट्न बालुवाटार पुगे माधव
नेपाल प्रेस
२०८१ असार २१ गते १५:४२
काठमाडौं । नेकपा एसका अध्यक्ष माधवकुमार नेपाल प्रधानमन्त्री पुष्पकमल दाहाल ‘प्रचण्ड’ लाई भेट्न बालुवाटार पुगेका छन् । महाधिवेशनमा केन्द्रीय कमिटी घोषणालगत्तै नेपाल प्रधानमन्त्रीलाई भेट्न पुगेका हुन् ।
कांग्रेससँगको सहमतिपछि एमालेले सरकार छाडेसँग प्रचण्ड सरकार अल्पमतमा परेको छ । संसदका दुई ठूला दलले राजीनामा गर्न दिएको सुझाव अस्वीकार गर्दै प्रधानमन्त्रीले संसदमै फेस गर्ने बताएका छन् । यसका लागि असार २८ मा विश्वासको मत लिने व्यवस्थाका लागि संसद सचिवालयमा समेत पत्र पठाइसकेका छन् ।
नेकपा एसले भने प्रधानमन्त्रीको पक्षमा उभिने भन्दै आफूहरू सरकारबाट नहट्ने प्रष्टीकरण दिइसकेको छ ।
नेपाल प्रेस
प्रकाशित: २०८१ असार २१ गते १५:४२
प्रतिक्रिया
सम्बन्धित खवर
