एमाले स्कूल विभाग र कोशी प्रदेश सम्पर्क कमिटीले कार्यकर्तालाई शनिबार प्रशिक्षण दिने
नेपाल प्रेस
२०८१ असार २१ गते १९:५०
काठमाडौं । नेकपा एमालेको केन्द्रीय स्कूल विभाग र कोशी प्रदेश सम्पर्क कमिटीले नेता तथा कार्यकर्तालाई प्रशिक्षण दिने भएको छ ।
शनिबार बिहान ८ बजेदिखि प्रशिक्षण चल्ने कोशी प्रदेश सम्पर्क कमिटीका उपसचिव एवं प्रचार–प्रसार तथा प्रकाशन विभाग संयोजक राजेन्द्र गुरुङले बताए ।
एमाले उपमहासचिव एवं स्कूल विभागका प्रमुख प्रदीप ज्ञवालीले प्रशिक्षण दिनेछन् ।
पछिल्लो राजनीतिक परिवेश, जनवर्गीय संगठन र पार्टीबीचका सम्बन्ध, विकास निर्माण, पार्टीका सिद्धान्त, जनताको बहुदलीय जनवाद लगायतका १८ विषयमा प्रशिक्षित गराउने कार्यसूची रहेको उनले बताए ।
नेपाल प्रेस
प्रकाशित: २०८१ असार २१ गते १९:५०
प्रतिक्रिया
सम्बन्धित खवर
