भोटेकोशीमा इलेक्ट्रिक हाइड्रोको ढलान भत्किएर बेपत्ता दुई मजदुरको शव भेटियो

सिन्धुपाल्चोक । सिन्धुपाल्चोकको भोटेकोसी गाउँपालिका–४ मा निर्माणाधिन भोटेकोसी १ जलविद्युत आयोजनाको ढलान खसेर बेपता भएका दुई जनाको शव आज बिहान फेला परेको छ।

हिजो ढलान खस्दा १० जना पुरिएका थिए । ७ जनाको सकुशल उद्धार गरे पनि दुई जना भने भेटिएको थिएन । आज बिहान हराएको दुई जना मृत अबस्थामा फेला परेको प्रहरीले जानकारी दिएको छ।

ढलानले पुरिँदा निधन हुनेमा बर्दिया नगरपालिकाका रामजिन थारु र सुमन थारु रहेका छन्। आयोजनाको डिसेन्डर कभर स्याल्बामा उनीहरु च्यापिएका थिए ।

स्थानीय र मजदुरहरुले आयोजना प्रमुख उमेश पराजुलीको लापरबाहीले घटना भएको आरोप लगाएका छन्। पराजुलीले उक्त स्थानमा अन्य सरचना को अवस्था अध्ययन नगरी जबर्जस्ती ढलान गर्न निर्देशन दिएको मजदुरहरुले बताएका छन्।