अविरल वर्षाले हेटौंडाका बस्ती डुबानमा (तस्वीरहरु)

हेटौंडा । निरन्तरको वर्षाले हेटौंडाका केही क्षेत्र डुबानमा परेको छ । गएरातिबाट निरन्तर परेको वर्षाको कारण हेटौंडा उपमहानगरपालिका वडा नम्बर ५, ६, ७ लगायतका बस्तीमा भेल पसेको छ ।

हेटौंडा- ५ को सानोपोखराको भित्री टोल, पिप्ले क्षेत्र, शान्तिनगर क्षेत्र जलमग्न भए । भैरव रोडको मुख्य सडक भएर वर्षाको भल बगेको छ । हेटौंडा भएर बग्ने राप्ती र कररा खोलाको जल सतह बढेको छ ।