बाइडेन लक्षित ट्रम्प टिप्पणी- उनमा इगो छ, राष्ट्रपति चुनावबाट पछि हट्दैनन्

काठमाडौं । अमेरिकी पूर्वराष्ट्रपति डोनाल्ड ट्रम्पले जो बाइडेन राष्ट्रपतीय चुनावबाट नबाहिरिने बताएका छन् । अलजजिराका अनुसार जो बाइडेनमा ‘इगो’ भएकाले उनी पछि नहट्ने बताएका छन् ।

अमेरिकी टेलिभिजन च्यानल फक्सका प्रस्तोता सिन ह्यानिटीसँग टेलिफोन कुराकानी गर्दै उनले यस्तो बताएको अलजजिराले उल्लेख गरेको छ । अमेरिकी राष्ट्रपतीय डिबेटपछि धेरैले राष्ट्रपति जो बाइडेनलाई उम्मेदवारी फिर्ता लिन आग्रह गरेका छन् ।

यस्तो आग्रह गर्नेहरुमा डेमोक्रेटिक पार्टीका उम्मेदवारहरुलाई समर्थन गर्दै आएको न्यूयोर्क टाइम्सको सम्पादकीयदेखि डेमोक्रेटिक पार्टीका चुनावी चन्दादताहरुसम्म छन् । जो बाइडेनको शारीरिक तथा मानसिक समस्याको कारणले उनी राष्ट्रपति हुन सक्षम नभएको भन्ने कुराहरु अहिले सतहमा आएका छन्, तर जो बाइडेनले आफू पूर्ण रुपमा ठीकठाक भएको दाबी गर्दै आएका छन् ।