१२ वर्षीया बालिकालाई निल्ने गोहीलाई अस्ट्रेलियाली अधिकारीले गोली हानेर मारे

काठमाडौं । गत हप्ता एक १२ वर्षीया बालिकालाई निल्ने गोहीलाई अस्ट्रेलियामा गोली हानेर मारिएको छ । जर्मनीको विश्व च्यानल डिडब्लूका अनुसार अस्ट्रेलियाको नर्दन टेरिटोरीमा यस्तो घटना भएको हो । रेन्जरहरुले गोली हारेर मारिएको गोही १४ फूटको थियो ।

एक हप्ताको खोजी तथा स्थान पत्ता लगाएर गोहीलाई गोली हानिएको बताइएको छ । अस्ट्रेलियाको म्याङ्गो क्रेक नाम गरेको स्थानमा परिवारसँग बसेर पोडी खेल्ने क्रममा गोहीले बालिकालाई निलेको थियो ।

बालिका निलिएको दुई दिनपछि बिहीबार उनको लाशका केही अंश भेटिएको थियो । अस्ट्रेलियामा गोहीले मान्छे निल्ने घटनालाई नौलो मानिन्न । सन् २०१८ मा गोहीले दुई जनालाई निलेको थियो भने सन् २००५ देखि २०१४ को समयावधीमा १५ जनालाई निलेको थियो ।