तपाईंहरू आफैं मिल्नुभएको होइन, कसैले मिलाएको हो : प्रचण्ड (भिडिओ)

काठमाडौं । प्रधानमन्त्री पुष्पकमल दाहाल ‘प्रचण्ड’ ले देशमा सुशासन कायम हुन थाल्यो भन्ने डरले कांग्रेस र एमालेलाई जोडेको बताएका छन् । प्रतिनिधिसभाको बैठकमा विश्वासको मत माग्दै कांग्रेस र एमालेको सहमतिलाई जनताले अनुमोदन गरेको छ कि छैन ? भन्ने प्रश्न गरे ।

उनले कांग्रेस र एमाले मिलेर वर्तमान संविधानमाथि पनि रहस्यमय ढंगले छेडछाड गर्न खोजेको आरोप लगाए ।

उनले भने, ‘कांग्रेस एमालेका सीमित नेताहरूको दाबी होला, हामी आफैं मिलेका हौं । त्यो सत्य होइन, तपाईंहरूलाई कसैले मिलाएको हो । किन मिलाएको हो ? घाम जत्तिकै छर्लङ्ग छ । कांग्रेस एमाले मिलेर सरकार बनाएको भन्न लाज लागेर राष्ट्रिय सहमतिको सरकारको बर्को ओडेको आरोप लगाए ।’