दोस्रो विराट म्युजिक एण्ड फिल्म अवार्ड सम्पन्न, सौगात र सुरक्षा बने उत्कृष्ट अभिनेता-अभिनेत्री

काठमाडौँ। ‘विराट म्युजिक एण्ड फिल्म अवार्ड’ को दोस्रो संस्करण सम्पन्न भएको छ। शुक्रबार राजधानीमा आयोजित भब्य समारोहमा संगीतको २४ विधा र चलचित्रको ७ विधा गरि जम्मा ३१ विधामा अवार्ड प्रदान गरिएको हो।

पूर्व उप प्रधानमन्त्री एवं नेकपा एमालेका वरिस्ट उपाध्यक्ष इश्वर पोखरेलको उपस्थितिमा सम्पन्न कार्यक्रममा प्रतिष्ठित गीतकार बीबी थापालाई नगद २५,५५५ सहित दिर्घ साधना सम्मान प्रदान गरियो। कार्यक्रममा कलाकार पवन प्रसाद खतिवडालाई राष्ट्रिय कलाकारिता सम्मानका साथै साहित्यकार सृजना अर्याल, समाजसेवी तथा कवि शोबित उप्रेती, गायक हिमाल श्रेष्ठ, कलाकार तथा टेलिसिरियलका निर्देशक नेत्र राउतलाई सम्मानित गरियो।

कार्यक्रममा पूर्व-उपप्रधानमन्त्री पोखरेलले नेपाली कला र संस्कृतिको संरक्षणमा कलाकारहरूको महत्त्वपूर्ण भूमिका हुने बताए । ‘समाज रूपान्तरणमा पत्रकार र कलाकारको अतुलनीय भूमिका हुन्छ । नेपाली भाषा, धर्म र संस्कृति र पहिचान जोगाउनु आजको आवश्यता हो,’ पोखरेलले भने, ‘म सम्पूर्ण कलाकर्मी साथीहरूलाई भन्न चाहन्छु, देशको रक्षा आज सबैभन्दा ठूलो कर्तव्य हो ।’

त्यस्तै, कार्यक्रममा गीता अधिकारीलाई नगद ५,१०० सहित पत्रकारिता पुरस्कार र सम्पादक विष्णु तारुकेलाई राष्ट्रिय पत्रकारिता सम्मान प्रदान गरियो।

अवार्डको जुरीमा संगीतकार राजु सिंह, लोक गायक राजु परियार, पत्रकार अशेष अधिकारी कलाकार, चन्द्र लामा, गीतकार भिष्मराज फुलारा र मोडल उत्साह घिमिरे रहेका थिए।

सेलिब्रेटी नेपाल प्रतिष्ठानको आयोजनमा भएको कार्यक्रममा २०७९ सालमा प्रदर्शनमा आएका चलचित्र र गीत संगीत समाबेश गरेर उत्कृष्टलाई अवार्ड प्रदान गरिने हो । प्रविन किराती कार्यक्रम निर्देशक रहेको कार्यक्रमको संचालन रघुनाथ सापकोटाले गरेका थिए।

फिल्म तर्फ ‘दोश्रो विराट म्युजिक एन्ड फिल्म अवार्ड’को विजेताको सुची-

१. बेस्ट फिल्म-
डेसान ( द एपिडेमिक)

२. बेस्ट फिल्म निर्देशक-
चलचित्र मन्त्रबाट खिल बहादुर गुरुङ

३. बेस्ट अभिनेत्री-
चलचित्र बहावबाट सुरक्षा पन्त

४. बेस्ट सिनेम्याटोग्राफर
-चलचित्र लाखेबाट सुशन प्रजापति

५.बेस्ट स्क्रिनप्ले- चलचित्र डेसान ( द एपिडेमिक) बाट कमल/आरुष जंग

६.बेस्ट एडिटर- चलचित्र मन्त्रबाट मित्र डि. गुरुङ

७. बेस्ट अभिनेता- चलचित्र मन्त्रबाट सौगात मल्ल

८.बेस्ट रास्ट्रीय फिल्म-
गोर्खा (ब्रिनिथ द ब्रेभरी)

१०.बेस्ट नेगेटिभ क्यारेक्टर- आर्टिस्ट
सुगत कारजित

११.जुरी अवार्ड कल्चरल मुभी- चलचित्र गणेशबाट सुबाश गुरुङ

१२.बेस्ट टेलिचलचित्र निर्देशक- दिवाकर भण्डारी (सापटे काका)