कोलम्बियाका रोड्रिगुएजलाई गोल्डेन बल, गोल्डेन बुट अर्जेन्टिनाका मार्टिनेजलाई

काठमाडौं । कोपा अमेरिका २०२४ को सर्वोत्कृष्ट खेलाडी कोलम्बियाका हामेस रोड्रिगुएज भएका छन् । सोमबार भएको फाइनलमा कोलम्बियाले अर्जेन्टिनासँग १-० गोलको हार व्यहोरेपनि रोड्रिगुएजले सर्वोत्कृष्ट खेलाडीका रूपमा गोल्डेन बल जिते ।

उनले प्रतियोगितामा ६ असिस्ट र एक गोल गरेका थिए । यस्तै प्रतियोगितामा ५ गोल गरेका अर्जेन्टिनी स्ट्राइकर लौतारो मार्टिनेजले सर्वाधिक गोलकर्ताका रूपमा गोल्डेन बुट प्राप्त गरे । फाइनलमा उनैले निर्णायक गोल गोल गरेका थिए । सर्वोत्कृष्ट गोलकिपरका रूपमा अर्जेन्टिनाका एमिलियानो मार्टिनेजले गोल्डेन ग्लोभ्स जिते ।

अर्जेन्टिनी कप्तान लियोनल मेस्सी भने व्यक्तिगत अवार्डविहीन बने ।