बढ्यो पेट्रोल-डिजेलको मूल्य
नेपाल प्रेस
२०८१ असार ३१ गते २०:४२
काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको छ ।
इण्डियन आयल कर्पोरेशनबाट बढेर आएपछि नेपालमा पनि मूल्य वृद्धि गरिएको निगमले विज्ञप्तिमार्फत जानकारी दिएको छ ।
निगमले पेट्रोलमा प्रतिलिटर ४ र डिजेल तथा मट्टितेलमा ३ रुपैयाँका दरले भाउ बढाएको हो ।
यससँगै नयाँ मूल्य पेट्रोलको प्रतिलिटर पहिलो वर्गमा १६८.५०, दोस्रोमा १७० र तेस्रो वर्गमा १७१ रुपैयाँ पुगेको छ । त्यसैगरी, डिजेल र मट्टितेलमा प्रतिलिटर पहिलो वर्गमा १५७.५०, दोस्रोमा १५९ र तेस्रोमा १६० रुपैयाँ पुगेको निगमले जनाएको छ ।
तेस्रो वर्गमा काठमाडौं, पोखरा र दिपायल पर्दछन् ।
बढेको मूल्य आजै राति १२ बजेपछि लागू हुनेछ ।
नेपाल प्रेस
प्रकाशित: २०८१ असार ३१ गते २०:४२
प्रतिक्रिया
सम्बन्धित खवर
