ठमेल पर्यटन विकास परिषद्को अध्यक्षमा ध्रुव अधिकारी

काठमाडौं । ठमेल पर्यटन विकास परिषद्को अध्यक्षमा ध्रुव अधिकारी विजयी भएका छन् । ठमेल पर्यटन विकास परिषद्को २९औँ साधारण सभाको निर्वाचनबाट ध्रुव अधिकारी विजयी भएका हुन् ।

नयाँ कार्यसमितिको निर्वाचनबाट ३ जना उपाध्यक्ष, एक सचिव, कोषाध्यक्ष र ८ जना सदस्यहरू निर्वाचित भएका छन् ।

नयाँ कार्यसमितिको उपाध्यक्षमा सहदेव धमला, राजीव पाण्डे र श्रीकृष्ण थपलिया निर्वाचित भए । भने, महासचिवमा बद्री प्रसाद तिमल्सिना, सचिवमा पुण्यराम लागेजु र कोषाध्यक्षमा प्रकाश थपलिया निर्वाचित भएका हुन् ।

दुई प्यानल बनाएर भएको निर्वाचनमा निवर्तमान अध्यक्ष भविश्वर शर्माको प्यानलबाट उपाध्यक्षमा राजीव पाण्डे र सहदेव धमला, महासचिवमा बद्री प्रसाद तिमील्सना, सचिवमा पुण्डयराम लागेजु, कोषाध्यक्षमा प्रकाश थपलिया र जना सदस्यहरू विजयी भएका छन् ।

त्यस्तै, अध्यक्ष ध्रुव अधिकारीको प्यानलबाट उपाध्यक्षमा कृष्ण थपलिया र सदस्यमा बद्री अर्याल विजयी भएका हुन् ।