बंगलादेशमा विद्यार्थी आन्दोलन चर्किएपछि नेपालीहरूलाई काम बाहेक बाहिर ननिस्कन दूतावासको आग्रह
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/07/quota_movement_2018-1.avif)
काठमाडौं । बंगलादेशमा कोटा विरोधी आन्दोलन चर्किएसँगै त्यहाँ अध्ययनरत नेपाली विद्यार्थीहरूलाई सुरक्षित हुन काम पर्दा बाहेक नजान दूतावासले आग्रह गरेको छ ।
बंगलादेशको लागि नेपाली दूतावासले आज जारी गरेको सूचनामा बंगलादेशको शिक्षा मन्त्रालयले अर्को सूचना जारी नहुन्जेलसम्म सबै सरकारी, नीजि विश्वविद्यालयहरू तथा कलेजहरू बन्द हुने सूचनाको पनि जानकारी दिएको छ ।
यस्तै कलेजले बसेको स्थान भन्दा अन्तै जाँदा कुनै असुरक्षा भएको महसुस भएमा दूतावासका अधिकारीहरू योजना बम्जन र रिया क्षेत्रीको नम्बर सूचनामै सार्वजनिक गरिएको छ ।
यो पनि पढ्नुहोस्- सरकारी जागिरमा आरक्षण लागू गरिएपछि बंगलादेशको राजधानीमा प्रदर्शन
सूचनामा भनिएको छ, ‘राजदूतावासले विकसित घटनाक्रमहरुलाई नजिकबाट नियालिरहेको र सम्पूर्ण नेपाली विद्यार्थीहरूको शान्ति, सुरक्षा सुनिश्चित गर्न बंगलादेश सरकारका निकायहरू एवं सम्बन्धित कलेज प्रशासनसँग निरन्तर सम्पर्क एवं समन्वय गरिरहेको समेत सम्बन्धित सबैको जानकारीको लागि यो सूचना प्रकाशित गरिएको छ ।’