काभा यू–२० महिलाः पहिलो खेलमा नेपाल श्रीलंकासँग स्तब्ध

काठमाडौं । माल्दिभ्समा सुरु भएको काभा यू–२० महिला भलिबल च्याम्पियनसिपमा नेपाल श्रीलंकासँग स्तब्ध भएको छ । गतराति भएको पहिलो खेलमा नेपाल श्रीलंकासँग ३–१ ले पराजित भएको हो ।

पहिलो सेट २५–२० ले गुमाएको नेपालले दोस्रो सेट २६–२४ ले आफ्नो पक्षमा पारेको थियो । तर, तेस्रो सेट २५–११ र चौथो सेट २५–१८ ले गुमाउँदा नेपालले पहिलो खेलमै हारमा चित्त बुझाउनुपर्‍यो ।

अब नेपालले दोस्रो खेल शुक्रबार किर्गिस्तान र तेस्रो खेल शनिबार आयोजक माल्दिभ्ससँग खेल्नेछ । ४ टीम सहभागी प्रतियोगितामा सबै टीमले एक आपसमा खेलेपछि सेमिफाइलनका खेल सुरु हुनेछन् ।

सेमिफाइलनमा पहिलो स्थानमा रहनेले चौथो र दोस्रो स्थानमा रहनेले तेस्रो स्थानमा रहने टीमसँग प्रतिष्पर्धा गर्नेछ । फाइलन खेल जुलाई २३ मा हुनेछ ।