ह्वील चेयर नृत्य प्रदर्शनसहित बीआईएको ९ औं वार्षिकोत्सव सम्पन्न

काठमाडौं । बीआईए ईन्स्टिच्युटले आफ्नो नवौं वार्षिकोत्सव मनाएको छ । शनिबार संस्थाको कार्यालय जोरपाटीस्थित विभिन्न कार्यक्रम आयोजना गरी वार्षिकोत्सव मनाएको बीआईका कार्यकारी निर्देशक गोकर्ण ढुंगानाले जानकारी दिए ।

कार्यक्रममा प्रमुख अतिथि नेपालका लागि अष्ट्रेलियाली राजदूत फेलिसीटी वोक रहेकी थिइन् । त्यस्तै, विशिष्ट अतिथिमा चर्चित अभिनेत्री मनिषा कोइराला रहेकी थिइन् ।

कार्यक्रममा शारिरीकरुपमा फरक क्षमता भएकाहरुले ह्वील चेयर नृत्य देखाएर गरेर आफ्नो सीपको प्रदर्शन गरेका थिए ।

इन्स्टिच्युटका कर्मचारी छिरिङ डोल्कर लामा स्टाफ अफ द इअरबाट सम्मानित भएका छन् ।

आयोजकले प्रमुख अतिथि, विशिष्ट अतिथिलगायतलाई मायाको चिनो प्रदान गरेको थियो । कार्यक्रमको अध्यक्ष बीआईएका कार्यकारी निर्देशक ढुंगानाले गरेका थिए ।

बीआईएले शारिरीकरुपमा फरक क्षमता भएकाहरुलाई सामान्य जीवनयापनका लागि विभिन्न सीपमुलक तालिम दिँदै आएको छ ।