कर्णालीमा माओवादीका चार मन्त्रीले राजिनामा दिँदै
नेपाल प्रेस
२०८१ साउन ६ गते २१:०८
सुर्खेत । सत्ता समीकरण फेरिएसँगै कर्णाली प्रदेश सरकारमा सहभागी माओवादीका मन्त्रीले राजीनामा दिने भएका छन् ।
नेकपा माओवादी केन्द्रबाट कर्णाली प्रदेश सरकारमा सहभागी चार जना मन्त्रीले राजीनामा दिने भएका हुन् ।
माओवादी केन्द्रबाट मन्त्री बनेका आर्थिक मामिला तथा योजना मन्त्री महेन्द्र केसी, सामाजिक विकास मन्त्री विरबहादुर शाही, उर्जा तथा जलस्रोत मन्त्री रणसिंह परियार र उद्योग, पर्यटन वन तथा वातावरण मन्त्री दुर्ग रावतले राजिनामा दिनेछन् ।
नयाँ गठबन्धनलाई सहज बनाउन सरकारबाट बाहिरिन लागेकाे उर्जा तथा जलस्रोत मन्त्री रणसिंह परियार ले बताए ।
उनले भने, `हामी चार जना मन्त्री बसेर राजिनामा दिने निर्णय गरेका छाैं । दलका नेताले केही केही भन्नू भएको छैन् । भाेलि ११ बजे राजिनामा दिने सबै तयारी भइसकेको छ ।`
नेपाल प्रेस
प्रकाशित: २०८१ साउन ६ गते २१:०८
प्रतिक्रिया
सम्बन्धित खवर
