विदेश जाने सोचाईमा हुनुहुन्छ ? यी देशहरू हुन् परिवारसहित बस्न उपयुक्त

पोर्चुगल । तपाईं पनि विदेश जाने सोचाई राखिराख्नु भएको छ । यदि छ भने यो पनि विचार गर्नु जरूरी छ है, आफू मात्र गएर पनि भएन परिवार पनि लैजान पर्यो । परिवारसहित जान र बस्नको लागि परिवार पुनर्स्थापना प्रतिवेदनले सार्वजनिक गरेको यो रिपोर्ट पनि हेर्नुहोस् ।

प्रतिवेदनले बालबालिकाको हेरचाह लागत, काम गरेको औसत वार्षिक घण्टा र शैक्षिक उपलब्धि जस्ता विभिन्न सम्बन्धित कारकहरू मूल्याङ्कन गरेर संसारभरका कुन देशहरूमा परिवारसँग विदेशमा बस्नको लागि उत्तम अवस्थाहरू छन् भनी खुलासा गरेको हो।

वैदेशिक यात्राले तपाईको जीवनमा धेरै परिवर्तनहरू ल्याँउछ । क्यारियर र जीवनको गुणस्तरमा फरकपना त ल्याउछ नै परिवार ल्याउँदा के गर्ने भन्ने सम्म सोच्न बाध्य बनाउँछ । त्यसैले आफू गएको देशले के कस्तो सेवा र सुविधा दिएको छ बुझ्न जरूरी छ ।

पक्कै पनि देश छोडेर विदेशमा बस्न सजिलो छैन। परिवारलाई कहाँ राख्ने, भाषाको समस्या, स्वास्थ्य बीमा जस्ता महत्त्वपूर्ण वित्तीय कुराहरू व्यवस्थापन गर्न जरूरी छ ।

यी र यस्ता कुराहरूले गर्दा कुन देश बस्नलायक छ भन्ने कुरा नेपालबाट हिड्नु अघि नै सोच्न जरूरी छ । विश्वका केही देशहरूले आप्रवासीहरूको लागि पनि धेरै सेवासुविधाहरू दिने गरेको छ ।

शीर्ष १० उत्कृष्ट देशहरू:
पोर्चुगल
स्वीडेन
इटाली
स्पेन
फिनल्याण्ड
लाटभिया
हंगेरी
जापान
फ्रान्स
इस्टोनिया

प्रतिवेदनले पोर्चुगललाई पहिलो स्थानमा राखेको छ । पोर्चुगलमा बालबालिकाको लागि उत्तम हुने प्रतिवेदनले उल्लेख गरेको छ । त्यस्तै प्रतिवेदनले स्विडेनलाई दोस्रो नम्बरमा राख्दै अन्य देशहरूको तुलनामा राम्रो काम(जीवन सन्तुलनलाई राख्ने जनाएको छ ।

न्यानो भुमध्यसागरिय देश इटाली जुन लोकप्रिय छुट्टीको गन्तव्य पनि हो, त्यसलाई प्रतिवेदनमा तेस्रो देशमा छनोट गरेको छ ।विश्वस्तरीय विश्वविद्यालयहरू समेत रहेको इटालीमा तपाईको बालबच्चाले भविष्यमा धेरै अवसरहरू पाउने उल्लेख छ ।

यो प्रतिवेदन बालबालिका हेरचाह लागत, शीर्ष विश्वविद्यालय, आमा बुबाको विदा, औसत काम गर्ने घण्टा, एकतर्फी उडानको लागत, सहरको केन्द्रभित्र र बाहिर भाडा मूल्य र औसत उपयोगिता मूल्यको आधार लिएर सर्वेक्षण गरिएको थियो ।