भियतनाम कम्युनिस्ट पार्टीका महासचिवको निधनमा प्रधानमन्त्री ओलीको समवेदना पत्र
नेपाल प्रेस
२०८१ साउन ८ गते १४:०४
काठमाडौं । यही साउन ४ गते ८० वर्ष उमेरमा मृत्यु भएका भियतनाम कम्युनिस्ट पार्टीका महासचिव गुयेन फु थ्रोङको घटनामा भियतनाम कम्युनिस्ट पार्टीको केन्द्र कमिटीलाई प्रधानमन्त्री केपी शर्मा ओलीले समवेदना सन्देश दिएका छन् ।
साउन ७ गते एमाले अध्यक्ष तथा नेपाली प्रधानमन्त्रीको रूपमा ओलीले दिएको समवेदना सन्देशमा महासचिव थ्रोङको मृत्युले भियतनामी जनता, भियतनाम देश र भियतनाम कम्युनिस्ट पार्टीलाई ठूलो क्षति भएको उल्लेख गरेका छन् ।
महासचिव थ्रोङले सारा जिन्दगी भियतनामको स्वतन्त्रतामा सुम्पेको ओलीले लेखेका छन् ।
सन २०१९ मेमा भएको भेट स्मरण गर्दै ओलीले हो ची मिन्हले देखाएको समाजवादी मार्गमा महासचिव थ्रोङले राखेको भित्री विचारले आफू प्रभावित भएको पत्रमा उल्लेख गरेका छन् ।
नेपाल प्रेस
प्रकाशित: २०८१ साउन ८ गते १४:०४
प्रतिक्रिया
सम्बन्धित खवर
