बाइडेनले राष्ट्रपतिमा समर्थन गर्ने भएपछि कमलाको अभियानमा चन्दाको ओइरो

काठमाडौं। अमेरिकाको सत्ताधारी दल डेमोक्रेटिक पार्टीको आगामी नोभेम्बरमा हुने चुनावमा राष्ट्रपति जो बाइडेन बाहिरिएर कमला ह्यारिसलाई समर्थन गरेपछि कमलालाई चन्दाको ओइरो लागेको छ ।

रुसी विश्व च्यानल आरटीका अनुसार २४ घण्टामा आठ करोड डलर चन्दा उठेको छ ।

८ लाख ८८ हजार जनाको भुईँ तहबाट यो रकम उठेको हो । जसमा ६० जना प्रथम पटक चन्दा दिएका अनुहारहरू हुन् ।

अमेरिकी च्यानल सीएनएनका अनुसार कमलालाई ४० सिनेटर तथा १०० हाउस मेम्बरहरूले पनि समर्थन गरेका छन् ।

जो बाइडेनले कमलालाई समर्थन गरे पनि डेमोक्रेटिक दलको आधिकारिक उम्मेदवार को हुने भन्ने औपचारिक निचोड भने आगामी अगस्टमा हुने बताइएको छ ।